作者序
都市傳說大家應該聽唔少，果D以現代生活為背景、以地方既獨有既文化為藍本、似是而非眾說紛云、既短篇怪異故事就係喇。而都市傳說最重要既一個特點就係，佢具有極強既傳播性，因為故事一定係發生o係”朋友個朋友身上”，令故事講起上黎好有代入感，好似好關你事咁。
屬於香港既經典都市傳說大家都耳熟能詳（講到口臭），例如九廣鐵路廣告...溫莎公爵大廈狐仙...大頭怪嬰等等，我個人就好迷呢味野，細細個就聽雲海講呢D，又要驚又要聽，跟住返學同返D同學講嚇鬼佢地，好有滿足感。但本書之所以叫《偽都市傳說》其實就話你聽唔係講呢D囉！
都市傳說點解令人咁著迷就係因為夠真實，同埋結局永遠都係耐人尋味。我發覺我地平凡不過既日常生活原來已經充斥住好多呢D 比大頭怪嬰更駭人聽聞既傳說.....阿媽話幫你儲住D利是大個比返你.....靚女唔痾屎.....靚仔冇本心.....OT 有補水等等，...其實我都係借D兒ride on
呢D故事寫下自己對香港所有野既睇法同感受，基本上比較似短篇散文啦，係咪呃左你入黎呢？研究都市傳說最重要就係學識唔好盲目相信標題黨或者以訛傳訛既故事，你好明顯已經failed! 不過既yin 呢本係”偽”都市傳說既話，唔好咁認真。
99個更真實....更恐怖....可能係你朋友既朋友既故事...睇到你毛骨悚然既香港偽都市傳說，就等我一個一個講你聽.....
